今次真係唔好中計呀!!!
【以防萬一嘅自我提醒】
如果香港人而家接受一個條件就解散運動，警隊就會完全唔使為罪行負責，被無理拘捕嘅人會繼續被控暴動罪，然後香港會繼續無聲腐敗落去。
五大條件係香港一個整體嘅政制同人權自由問題，絕對係缺一不可。
大家可以預想到，政府而家已經冇晒辦法，同時好恐懼即將發生嘅國際制裁，所以只能放風聲話撤回條例修訂，當我哋唔接受，政府就會有藉口話香港人借故生事破壞，將抗爭運動污名化。
而唯一嘅破解方法，就係香港人要堅持信念同意志。諗下每一個被虐待、被傷害、犧牲性命、被無理拘捕嘅手足同普通市民；諗下嗰班邪惡軸心嘅嘴臉；諗下毒煙、鐵棍同子彈；諗下三個月嘅血同汗；想像下將來成功光復香港後嘅景象——提醒自己，絕不放棄。
而家先至講撤回？sorry太遲喇。香港人而家要嘅係：「光復香港，時代革命。」
9月9日美國國會《香港人權及民主法案》見啦仆街。
#寧化飛灰不作浮塵
#光復香港時代革命
Search